Lífsleikni

Lífsleikni byggir á alhliða þroska barnsins, færni þess til samskipta, rökrænnar tjáningar og til að bera virðingu fyrir umhverfi sínu.

Í Hlíðarenda er stuðst við tvö verkfæri til lífsleiknikennslu. Annars vegar kennslugögnin "Lífsleikni" sem eiga rætur að rekja í þróunarstarfi á Akureyri og hins vegar "Vináttu" verkefnakistu sem þróuð er til forvarnastarfs gegn einelti í leik- og grunnskólum og kemur frá Danmörku.

Lífsleiknikennsla er fléttuð inn í allt daglegt starf en markmið hennar eru að:

Efla og stuðla að jafnvægi milli hinna ýmsu þroskaþátta barnsins þar sem siðgæðis- tilfinninga- og félagsþroski gegna lykilhlutverki.
Byggja upp sjálfsmynd einstaklingsins.
Efla hæfileikann til að tjá hugsanir sínar og skoðanir og þar með vera við stjórnvölinn í eigin lífi.
Efla hæfileikann til að taka ábyrgð á gerðum sínum og umhverfi.
Efla hæfileikann til að skilja og bregðast við á málefnalegan (lýðræðislegan) hátt, með því að taka þátt í margvíslegum samskiptum og ákvörðunum.
Efla hæfileikann til að geta sett sig í spor annarra, bera virðingu fyrir sjálfum sér og öðrum, virða reglur samfélagsins og sýna tillitsemi.

"Vinátta" byggir á ákveðinni hugmyndafræði og gildum sem skulu samofin öllu leikskólastarfinu og er órjúfanlegur hluti þess í allri vinnu og starfi leikskóla sem vinnur með Vináttu. Gert er ráð fyrir að þátttakendur tileinki sér þessi grunngildi við vinnu og samskipti í leikskólasamfélaginu. Hugmyndafræðin endurspeglast í gildunum fjórum: